Lidvina demandèt tant aimablament un resumit del 4 de decembre…

Nos amassèrem lo dijòus 4 de decembre de 2008. Avèm començat per una visita de vesinatge al Joan Marc Leclerc qu’organizava un rescontre rus-occitan. Après un veire e una dança sèm tornats segre lo cors de l’amassada nòstra.
En primièr aguèrem lo plaser d’aculhir un acarnassit de mai : Miquèl de Frozins.
Totis erem d’acòrdi per participar a la parladissa dels Pradelons lo dijòus 11 de decembre al restaurant « Folles Saisons ».
Dins la discutida, a tustas e bustas, Joan Claudi e Miquèl nos parlèron del viatge meravilhós que faguèron en Argéria al mes d’octobre passat. Se voletz agachar un diaporama sus aquel país, vaquí lo ligam :

http://www.photoshow.com/watch/cD2hY3pw

Per l’amassada venenta, festejarem los reis lo dijòus 8 de genièr 2009 a 21 oras, totjorn a Utopia Tornafuèlha.